Connect with us

Монгол Мэдээ

Б.Отгон: Монголын хамгийн том “урвагч” Сү.Батболдын луйврын схем

Published

on

Сэтгүүлч Б.Отгон дараах баримтуудыг өөрийн хуудсаараа ил болгосон байна.

“Дарангуйлагч удирдагчдын улс орноосоо хулгайлж гадаадад нуусан хөрөнгийг эрэн сурвалжлах чиглэлээр мэргэшсэн АНУ-ын “K2 intelligence“ компани 2018 оноос эхлэн Монгол улсын Ерөнхий сайд асан Сү.Батболд гадныхантай нийлж, хэрхэн улс орноо цөлмөсөн хийгээд, хаана хэдэн төгрөгийн хөрөнгө нууж байгааг илрүүлжээ.

Товчлон хүргэвэл: Солонгосын иргэн Чёон Чү Ёон, түүний эхнэр Хак Сёон нарын оффшор компаниудаараа дамжуулан Хонконг, Их Британи, АНУ-д эзэмшдэг үнэтэй хөрөнгүүдийн эзэн нь Монгол улсын Ерөнхий сайд асан, одоогийн УИХ-ын гишүүн Сү. Батболд болохыг тогтоожээ.

1. Сү. БАТБОЛД ГАДНЫХАНЫ НЭР ДЭЭР БАЙГУУЛСАН ОФФШОР КОМПАНИУДААРАА ДАМЖУУЛАН ЭРДЭНЭТИЙН ЗЭСИЙН БАЯЖМАЛЫГ “ЗУУЧИЛЖ” АШИГ ОЛДОГ АЖЭЭ.

Сү. Батболд Ерөнхий сайд байхдаа хамтрагчид болох Солонгосын иргэн Чёон Чү Ёон, түүний эхнэр Хак Сёон нарын оффшор бүсэд байгуулсан 4 компанийг Эрдэнэт үйлдвэртэй гэрээ хийлгэсэн байна. Гол ажил нь Эрдэнэтийн зэсийн баяжмалыг гэрээний дагуу хямд үнээр аваад цааш нь өндөр үнээр дамлан зарах юм.

Энэ хүмүүс хэн бэ? гэвэл: БНСУ-ын иргэн Чёон Чү Ёон нь 1995 онд Самсунг, Эрдэнэт үйлдвэр хоёрын хувь нийлүүлсэн “Эрдсам” компаний Солонгос талыг хариуцан ажиллаж байсан. Энэ үеэс Сү.Батболдтой найзалж, улмаар 2007 онд Самсунгаас гарч, Сү. Батболдын ТӨЛӨӨНИЙ ХҮН болжээ. Эндээс эхлэн эхнэр нөхөр хоёр Эрдэнэт үйлдвэрийн зэсийн баяжмалыг дамлан зарах ДУНДЫН ЗУУЧ-ийн ажлыг хийжээ.

2007.02.23-д Хонконгд байгуулагдсан “lidex Holdings limited ” компаний захирлаар Чёон Чү Ёон 2009-2010 оны хооронд ажиллаж байгаад 100% эзэмшигч нь болжээ. 2007 оны эхээр “lidex Holdings limited ” нь Эрдэнэттэй 20,000 тн, 2008.11.14-нд 150,000 тн зэсийн баяжмал авах гэрээ байгуулжээ. Гэвч гэрээгээ 2011 онд хүчингүй болгож, шинээр байгуулагдсан “Catrison limited ” компани Эрдэнэтийн гол худалдан авагч болсон байна.

“Catrison Limited” компанийг 2011.02.08-д Чёон Чү Ёоны эхнэр Хак Сёон байгуулжээ. Байгуулагдснаасаа хойш 6 хан хоногийн дараа “Catrison limited ” компани Эрдэнэт үйлдвэртэй гэрээ байгуулсан байна.- 2011.02.14-д 150,000 тн баяжмал,- 2011.12.14-нд 240,000 тн баяжмалыг 3 жилийн хугацаанд авах гэрээ тус тус хийжээ.“Сatrison Limited ” компани Эрдэнэтээс энэ баяжмалыг худалдан авсан даруйдаа Их Британийн “Ocean Partners UK Limited” компанид дамлан заржээ. “Ocean Partners UK Limited” өмнө нь Эрдэнэтийн томоохон худалдан авагч байсан. Шинээр байгуулагдсан “Сatrison limited ” зөвхөн дамжуулан зарж, дундаас нь ашиг унагах үүрэгтэй.

2012.01.26-ны өдөр “Cliveden “ хэмээх компаний захирлаар Хак Сёон томилогджээ. “Cliveden “ компани Эрдэнэт үйлдвэрээс2011.12.14-нд 240,000 тн баяжмал2016.09.07-нд 86,000 тн баяжмал авах гэрээ тус тус байгуулсан. Энэ мэтээр 2012-2019 он ы хооронд “Cliveden “ компанид 163,6 сая ам долларын зэсийн баяжмал нийлүүлжээ.Чёон Чү Ёон 2010.11.19-д оффшор бүс Британийн Виржинийн арлуудад “Genetrade Limited” компанийг бүртгүүлжээ. Удалгүй тус компани Эрдэнэт үйлдвэртэй2010.12.24-нд 3,300 тн баяжмал авах гэрээ байгуулж2011.12.06-нд 3,800 тн баяжмалыг 68,5 сая ам доллараар заржээ. Оффшор бүсэд бүртгэлтэй эдгээр компаниуд нь Сү. Батболд болон түүний хүү Б.Баттүшигтэй имэйл хаягаар дамжуулан харьцаж байсан нь тогтоогдсон байна.

2. Сү. БАТБОЛД ОЮУТОЛГОЙН ГЭРЭЭГ ГАДНЫХАНД АШИГТАЙ ШИЙДВЭРЛҮҮЛЭХ ҮЕЭР ОФФШОР КОМПАНИУД РУУ НЬ ИХ ХЭМЖЭЭНИЙ МӨНГӨ ШИЛЖЖЭЭ.

Оюутолгойн гэрээг байгуулсны дараа Сү.Батболд Ерөнхий сайд болсон. 2010 оны 8 сарын 25-26-ны өдрүүдэд Оюутолгойн уурхай дээр Ерөнхий сайдын хувиар очиж төслийн явцад сэтгэл хангалуун байгаагаа илэрхийлсэн. Энэ үетэй давхцан Сү. Батболдын төлөөний хүн болон Чёон нарын Британийн Виржинийн арлууд болон Хонконг дахь оффшор компаний данс руу өөр оффшор компаниудаас их хэмжээний мөнгөний шилжүүлгүүд хийгдсэн байна.

Улмаар 2010 оны 12-р сард Монгол улсын Засгийн газар Оюутолгой төслийн эзэмшил, менежментийн асуудлаар Айвонхоу, Рио Тинто-той хэлэлцээр хийж эхэлсэн. Хэлэлцээрийг Сү.Батболд ахалж байлаа. Үр дүнд нь Рио Тинто компани Айвонхоу дахь хувиа 42,3% болтол ихэсгэж, Оюутолгойн олборлолт, үйлдвэрлэл, менежментийг хариуцах болсон юм. 2010.12.08-ны өдөр Айвонхоу, Рио Тинто, Монгол улсын Засгийн газар гурав шийдэлд хүрч, төслийн шууд удирдлагыг Рио Тинто авах болсон юм.

Хэлэлцээрийн явцад Рио Тинто, Айваонхоу-д ашигтай шийдвэр гарах бүрт болон хэлэлцээр дууссаны дараа Айвонхоутай холбоотой хувь хүмүүс, хуулийн этгээдүүд Сү. Батболдын төлөөний хүн болох Чёон тэргүүтний оффшор бүсэд байгуулсан компаниуд руу хөрөнгө шилжүүлэх болсон юм. Улмаар 2011 оны 6-р сард Оюутолгой төслийн эзэмшил, санхүүжилтийн хэлэлцээрээр зээлийн хүүгийн хувьд Рио Тинто-д ашигтай хэд хэдэн шийдвэрүүд гарсан. Яг энэ үеэр дахин Сү. Батболдын төлөөний хүмүүс рүү мөнгө шилжүүлсэн байна.

Энэ бүх хууль бус орлого, луйвар, авлигалаа нуун далдлахын тулд Сү.Батболд болон түүний хамтрагчид 10 гаруй улсад 100 орчим компаниар дамжуулан үл хөдлөх хөрөнгө болон, банкны дансуудыг эзэмшиж байна. Сү.Батболдын гэр бүлийн гишүүдийн амьдарч байсан Лондон дахь хоёр үл хөдлөх хөрөнгө, Бостон дахь үл хөдлөх хөрөнгө , цаашлаад 31 сая ам доллар хүртэлх үнэ бүхий Нью-Иорк, Хонконг , Тайланд дахь үл хөдлөх хөрөнгүүдийг Чёон болон түүний хамтрагчид Сү. Батболдын нэрийн өмнөөс эзэмшиж байна.

Сэтгүүлч Б.Отгон 2020.01.19” гэжээ.

Click to comment

Leave a Reply

Your email address will not be published.

Монгол Мэдээ

1000, 1000 өвөө эмээ нартаа зориулан энэ зулыг ШЕЙР хийгээрэй!

Published

on

By

Өнөөдөр хайрт өвөө, эмээдээ зориулж зул өргөлөө. Та бүхэн ч гэсэн хайртай эмээ, өвөөдөө зориулан зул өргөөд дараах тарнийг уншаарай.

Зул өргөхдөө үнэн сүсэг бишрэлээр бодь сэтгэлийг үүсгэн лам гурван эрдэнэд залбирч мунхагийн харанхуйг арилгах оюун ухаан билгүүний гэгээ улам бүр гийж, хамаг амьтан мунхагийн харанхуйгаас гэтлэх болтугай, бурхад бүгдийн мэлмий баясаж гэгээн буян арвижиж, гэм нүгэл нимгэрэх болтугай хэмээн чин сүжгийг ургуулан бодож өргөх учиртай.

Зул бүтээхдээ цэвэр ариуныг эрхэмлэн гараа сайтар угааж зулын голыг алт, мөнгө, зэс, гууль зэрэг эрдэнийн зүйлсээр хийсэн цөгцний хэмжээнд чанга, сул, өндөр, намыг нь тааруулан цэвэр хөвөнгөөр нар зөв ороож хийдэг. Зулын гол ороох үедээ язгуурын гурван бурхны зүрхэн тарни / Ум ма ни бад мэ хум, Ум а ра ва за на ди, Ум базар вани хум пад/, гурван очирын тарни /Ум аа хум / зэргийг урин уншиж буян бодож ороодог. Том цөгцөнд хийх зулын голыг дан хөвөнгөөр хийвэл тосонд нэвтрэхээрээ босдоггүй унадаг тул хятад тэвнэ, алт, мөнгө, төмөр, хуурай өвсний гадуур хөвөнгөөр ороож хийдэг.

Зулын гол ороож буй хөвөндөө хир буртаг байтугай амны уур, амьсгаа, шүлс зэргийг халдаахыг цээрлэдэг.

Зулын гол хэт бүдүүн сул бол хурдан жаргадгаас гадна хэт хурдан жаргахад тэр хүний нас богиносно гэдэг. Харин гол нь яг таарсан бөгөөд тэр хэмжээгээрээ зул удаж жаргах тусам нас нь уртасна гэдэг. Хэт хатуу чанга, нарийн бол дутуу жаргадаг, таарсан бол гэрэл нь тод тогтвортой удаан байдаг байна. Голоо цөгцөнд шигтгэхдээ нарийн үзүүртэй сэтгүүрээр дарах буюу өөрийг нь нар зөв эргүүлж шигтгэдэг. Үүний дараа амьтны гаралтай биш сүүний шим болсон шар тос болон ургамлын шим болсон ургамлын тос зэрэг хилэнцгүй, ариун сайхан шинэ тосыг зулын голыг дагуулан нар зөв тойруулж хийдэг.

Тосоо цөгцөнд хийж байхдаа амандаа “Ум аа хум” тарнийг урин уншдаг. Энэ нь тахилыг бохирдуулах ад зэтгэрийн хорлолоос зулыг хамгаалах буяны сэдлийг төрүүлдэг. Цөгцөнд тос цутгахдаа хэт бялхааваас санваар ёс цалгардах, хэт дундуур бол эд эдлэл хомсдох гэм гарах тул тосыг цөгцний амсраас амуу тарианы хэмжээний дундуур хийдэг байна. Амьтны гаралтай өөхөн тосоор зул өргөх нь зул тахил биш ахуйн зориулалттай дэн гэрэл болдог гэдгийг анхаарах хэрэгтэй. Ургамлын тос нь ургамлын үрийн хилэнцгүй тос тул зул өргөж болно. Ихэвчлэн шинэ шар тосоор зул өргөдөг.

Continue Reading

Монгол Мэдээ

Аадар борооны улмаас ард иргэдэд хохирол учраад байна

Published

on

By

Өмнөговь аймгийн Ханбогд суманд өнөөдөр буюу 8 сарын 5-нд ширүүн аадар бороо орж сумын айл өрх, ард иргэдэд их хэмжээний эд материалын хохирол учирлаа. Одоогоор хөдөө малчин айл өрхүүдээс бүрэн мэдээлэл хараахан ирээгүй байгаа юм байна.

Сумын Онцгой комисст очсон өдрийн мэдээллээр маш олон айлын гэр унасан, эвдэрсэн үерт явсан мөн байшин болон байшингийн дээвэр нь эвдэрчээ.

Ханбогд сумын Онцгой комиссын зүгээс Гэнэтийн гамшигт өртсөн хохиролоо барагдуулах багасгахад зайлшгүй дэмжлэг хэрэгтэй болсон иргэдийг бүртгэж байгаа юм байна.

Мөн үерт унасан эвдэрсэн гэрүүдээс эзгүй айл өрхүүд олон байгаа тул гамшигт өртсөн иргэдийн ажлын газар, албан байгууллагаас нь анхаарал хандуулж ажиллахыг хүсье гэсэн уриалгыг гаргажээ.

Continue Reading

Монгол Мэдээ

Ийм нэг сайхан охин байдаг юм. Харамсалтай нь осолд ороод мэдээгүй болсон

Published

on

By

Myanga Bazarjav:

“Ийм нэг сайхан охин байдаг юм Ганбаатарын Бадамцэцэг гэж.

Харамсалтай нь тээр жил осолд ороод бүсэлхийнээсээ доош мэдээгүй болж тэргэнцэрт орсон. Гэтэл 2,3 жилийн өмнө нэг хөл нь өрөвсөж… янз бүрийн эмчилгээ хийгээд байсан ч дийлдэлгүй тэр хөлийг нь тайрсан. Гэтэл одоо бас ясны үрэвсэл, цусны халдвар гэх мэт хүндрэл гарч үлдсэн ганц хөлийг нь тайрах дээр тулаад байгаа юм.

Бадамцэцэг маань тэвчээрийн туйл, сэтгэлийн асар их хаттай охин. Явах хөлгүй, босох боломжгүй ч хамгийн том түшиг тулгуур хайрт ээжтэйгээ нийлэн хуанли бас бус зүйл хийж борлуулна. Хөөрхий эх нь бас өөрөө заримдаа өвдөж ядрах нь бий…

Тэр болгоныг тодорхой тоочилгүйгээр зүгээр л яг одоо үлдсэн ганц хөлнөөсөө салах дээрээ тулаад байгааг нь л та нартаа учирлая. Эмчилгээнд нь ихээ мөнгө хэрэгтэй байна. Би хувиасаа мөнгөн тусламж хааяа үзүүлэх л юм. Өөр олон ч хүн сайхан сэтгэлийн гараа сунгаж, хандив өгч байна. Гэвч эмчилгээний зардалд хүрэхгүй л байгаа юм.

Үүн дээр та нарыгаа бас нэмэрлээч, энэ сайхан охиныг бүр мухар болгочихгүй хэдүүлээ чадлаараа эмчлүүлж нэг хөлтэй нь үлдээх юмсан гэж хандаж байнаа.

Хаан банк 5007778385
Г.Бадамцэцэг”

Continue Reading

Trending

error: Content is protected !!