Connect with us

Монгол Мэдээ

Вакцинжуулалт эхэлсэнээс хойш өөд болсон хүний тоо нэмэгдсэн гэв

Published

on

Монгол Улсын Улаанбаатар хот дахь Хятад вакцины эсрэг идэвхтэн, төлөөлөгч нарын хэлж буйгаар БНХАУ-д үйлдвэрлэсэн вакциныг дэлхийг 56 болон түүнээс дээш улсад хэрэглэж буй бөгөөд ихэнх нь хятадад өртэй, хятадтай харилцаа холбоо сайтай улс орнууд юм.

Эдгээр улс орнууд хүн амынхаа ихэнх хувийг вакцинжуулсан боловч коронавирусын тархалт, өөд болсон хүний тоо нь огцом нэмэгдэж байгаа тул Хятад вакцины үр дүнд эргэлзэж эхэлжээ. Вакцинжуулалт эхлэхээс өмнө Монгол Улсад ковидтой холбоотой өөд болсон тохиолдол бараг бүртгэгдэггүй байсан бол вакцинжуулалт эхэлснээс хойш энэ тоо огцом нэмэгдэж сүүлийн хоёр сарын дотор 500 гаруй хүн ковидын халдвараас болж өөд болжээ. Мөн маш олон эмэгтэйчүүд БНХАУ-д үйлдвэрлэсэн вакцин хийлгэснийхээ дараа зулбасан тохиолдол гарсан гэв.

“Бидний хүүхэд засаг төрийн өмч биш” хөдөлгөөний төлөөлөл, иргэн Ж.Занаа “Хятадын вакцинуудыг миний тоолж гаргаснаар дэлхийн 56 оронд хэрэглэж байна. Голцуу хөгжил буурай орнууд мөн улс төрийн утгаар нь яривал БНХАУ-д өртэй, өрөө цайлгахыг хүсэж байгаа Монгол Улс мэтийн улсуудад тарьж байна. Энэ вакцинуудыг тарьсан улс орнуудад короновирусын тархалт маш хүчтэй байна.

Үүний тоо баримтыг дэлхийн вакцинжуулалтын статистикуудыг харуулсан вэбсайтуудаас тодорхой харж болно. Ядаж 10 жилийн туршилт судалгаа хийгдсэний дараа албан ёсоор вакциныг бүртгэдэг. Гэтэл одоо бид ердөө хоёр дахь шатны туршилтаа хийж байгаа вакцинуудыг хэрэглэж байгаа. Тийм учраас короновирусын эсрэг хэрэглэж байгаа бүх вакциныг вакцин гэж үзэх ямар ч боломж алга.”

Н.Гоо-Од (Хятад вакцины эсрэг хөдөлгөөний зохицуулагч): Дэлхийн 90 гаруй улс БНХАУ-д үйлдвэрлэсэн вакциныг короновирусын эсрэг дархлаажуулалтдаа хэрэглэсэн боловч нийт иргэдийнхээ 50-68% ийг вакцинжуулсны дараагаас халдварын тархалт улам илүү ихсэж байгаа учраас хятад вакцинд итгэх итгэл нь алдарч байна гэж Нью Иорк Таймс мэдээлсэн байсан. Монгол Улсын хувьд ард иргэддээ хийсэн вакциных нь 80-90% нь Хятад вакцин.

Вакцин хийж эхлэхээс өмнө ковидоор бараг хүн өөд болоогүй боловч хятад вакциныг хийж эхэлснээс хойш өөд болсон хүний тоо огцом нэмэгдсэн. Сүүлийн хоёр сарын хугацаанд 500 гаруй хүн ковидын улмаас нас барсан байна. Мөн хятад вакцин хийлгэсний улмаас хүүхэд нь зулбасан, эрэмдэг зэрэмдэг болсон гэх мэт маш олон хүмүүс байсан.

Эх сурвалж: A24 мэдээний агентлаг

Click to comment

Leave a Reply

Your email address will not be published.

Монгол Мэдээ

1000, 1000 өвөө эмээ нартаа зориулан энэ зулыг ШЕЙР хийгээрэй!

Published

on

By

Өнөөдөр хайрт өвөө, эмээдээ зориулж зул өргөлөө. Та бүхэн ч гэсэн хайртай эмээ, өвөөдөө зориулан зул өргөөд дараах тарнийг уншаарай.

Зул өргөхдөө үнэн сүсэг бишрэлээр бодь сэтгэлийг үүсгэн лам гурван эрдэнэд залбирч мунхагийн харанхуйг арилгах оюун ухаан билгүүний гэгээ улам бүр гийж, хамаг амьтан мунхагийн харанхуйгаас гэтлэх болтугай, бурхад бүгдийн мэлмий баясаж гэгээн буян арвижиж, гэм нүгэл нимгэрэх болтугай хэмээн чин сүжгийг ургуулан бодож өргөх учиртай.

Зул бүтээхдээ цэвэр ариуныг эрхэмлэн гараа сайтар угааж зулын голыг алт, мөнгө, зэс, гууль зэрэг эрдэнийн зүйлсээр хийсэн цөгцний хэмжээнд чанга, сул, өндөр, намыг нь тааруулан цэвэр хөвөнгөөр нар зөв ороож хийдэг. Зулын гол ороох үедээ язгуурын гурван бурхны зүрхэн тарни / Ум ма ни бад мэ хум, Ум а ра ва за на ди, Ум базар вани хум пад/, гурван очирын тарни /Ум аа хум / зэргийг урин уншиж буян бодож ороодог. Том цөгцөнд хийх зулын голыг дан хөвөнгөөр хийвэл тосонд нэвтрэхээрээ босдоггүй унадаг тул хятад тэвнэ, алт, мөнгө, төмөр, хуурай өвсний гадуур хөвөнгөөр ороож хийдэг.

Зулын гол ороож буй хөвөндөө хир буртаг байтугай амны уур, амьсгаа, шүлс зэргийг халдаахыг цээрлэдэг.

Зулын гол хэт бүдүүн сул бол хурдан жаргадгаас гадна хэт хурдан жаргахад тэр хүний нас богиносно гэдэг. Харин гол нь яг таарсан бөгөөд тэр хэмжээгээрээ зул удаж жаргах тусам нас нь уртасна гэдэг. Хэт хатуу чанга, нарийн бол дутуу жаргадаг, таарсан бол гэрэл нь тод тогтвортой удаан байдаг байна. Голоо цөгцөнд шигтгэхдээ нарийн үзүүртэй сэтгүүрээр дарах буюу өөрийг нь нар зөв эргүүлж шигтгэдэг. Үүний дараа амьтны гаралтай биш сүүний шим болсон шар тос болон ургамлын шим болсон ургамлын тос зэрэг хилэнцгүй, ариун сайхан шинэ тосыг зулын голыг дагуулан нар зөв тойруулж хийдэг.

Тосоо цөгцөнд хийж байхдаа амандаа “Ум аа хум” тарнийг урин уншдаг. Энэ нь тахилыг бохирдуулах ад зэтгэрийн хорлолоос зулыг хамгаалах буяны сэдлийг төрүүлдэг. Цөгцөнд тос цутгахдаа хэт бялхааваас санваар ёс цалгардах, хэт дундуур бол эд эдлэл хомсдох гэм гарах тул тосыг цөгцний амсраас амуу тарианы хэмжээний дундуур хийдэг байна. Амьтны гаралтай өөхөн тосоор зул өргөх нь зул тахил биш ахуйн зориулалттай дэн гэрэл болдог гэдгийг анхаарах хэрэгтэй. Ургамлын тос нь ургамлын үрийн хилэнцгүй тос тул зул өргөж болно. Ихэвчлэн шинэ шар тосоор зул өргөдөг.

Continue Reading

Монгол Мэдээ

Аадар борооны улмаас ард иргэдэд хохирол учраад байна

Published

on

By

Өмнөговь аймгийн Ханбогд суманд өнөөдөр буюу 8 сарын 5-нд ширүүн аадар бороо орж сумын айл өрх, ард иргэдэд их хэмжээний эд материалын хохирол учирлаа. Одоогоор хөдөө малчин айл өрхүүдээс бүрэн мэдээлэл хараахан ирээгүй байгаа юм байна.

Сумын Онцгой комисст очсон өдрийн мэдээллээр маш олон айлын гэр унасан, эвдэрсэн үерт явсан мөн байшин болон байшингийн дээвэр нь эвдэрчээ.

Ханбогд сумын Онцгой комиссын зүгээс Гэнэтийн гамшигт өртсөн хохиролоо барагдуулах багасгахад зайлшгүй дэмжлэг хэрэгтэй болсон иргэдийг бүртгэж байгаа юм байна.

Мөн үерт унасан эвдэрсэн гэрүүдээс эзгүй айл өрхүүд олон байгаа тул гамшигт өртсөн иргэдийн ажлын газар, албан байгууллагаас нь анхаарал хандуулж ажиллахыг хүсье гэсэн уриалгыг гаргажээ.

Continue Reading

Монгол Мэдээ

Ийм нэг сайхан охин байдаг юм. Харамсалтай нь осолд ороод мэдээгүй болсон

Published

on

By

Myanga Bazarjav:

“Ийм нэг сайхан охин байдаг юм Ганбаатарын Бадамцэцэг гэж.

Харамсалтай нь тээр жил осолд ороод бүсэлхийнээсээ доош мэдээгүй болж тэргэнцэрт орсон. Гэтэл 2,3 жилийн өмнө нэг хөл нь өрөвсөж… янз бүрийн эмчилгээ хийгээд байсан ч дийлдэлгүй тэр хөлийг нь тайрсан. Гэтэл одоо бас ясны үрэвсэл, цусны халдвар гэх мэт хүндрэл гарч үлдсэн ганц хөлийг нь тайрах дээр тулаад байгаа юм.

Бадамцэцэг маань тэвчээрийн туйл, сэтгэлийн асар их хаттай охин. Явах хөлгүй, босох боломжгүй ч хамгийн том түшиг тулгуур хайрт ээжтэйгээ нийлэн хуанли бас бус зүйл хийж борлуулна. Хөөрхий эх нь бас өөрөө заримдаа өвдөж ядрах нь бий…

Тэр болгоныг тодорхой тоочилгүйгээр зүгээр л яг одоо үлдсэн ганц хөлнөөсөө салах дээрээ тулаад байгааг нь л та нартаа учирлая. Эмчилгээнд нь ихээ мөнгө хэрэгтэй байна. Би хувиасаа мөнгөн тусламж хааяа үзүүлэх л юм. Өөр олон ч хүн сайхан сэтгэлийн гараа сунгаж, хандив өгч байна. Гэвч эмчилгээний зардалд хүрэхгүй л байгаа юм.

Үүн дээр та нарыгаа бас нэмэрлээч, энэ сайхан охиныг бүр мухар болгочихгүй хэдүүлээ чадлаараа эмчлүүлж нэг хөлтэй нь үлдээх юмсан гэж хандаж байнаа.

Хаан банк 5007778385
Г.Бадамцэцэг”

Continue Reading

Trending

error: Content is protected !!