Connect with us

Монгол Мэдээ

Цусны хорт хавдартай залуу З.Сэргэлэнбаяр эцсийн амьсгал хураалаа. Гэр бүлд нь туслая!

Published

on

Энэ талаар сэтгүүлч Ж.Мөнхбаясгалан өөрийн хуудсандаа бичжээ.

“Амьдрал” фильмээс цувралаар хүргэж буй “Амьдрал ямар байна вэ” суралжлагын хүрээнд БГД -ийн 22 -р хороонд эхнэр зургаан хүүхдийн хамт амьдардаг, цусны хорт хавдраар өвдсөн 31 хэн настай З.Сэргэлэнбаяр гэдэг залуугийн гунигт түүхийг харуулсан билээ. Өвлийн хүйтэнд цонх ч үгүй зуны байшинд амьдарч буй тэднийг шинэ гэртэй болгохоор хандив цуглуулж эхэлснийг та бүхэн санаж байгаа. Хоёрхон хоногийн өмнө олон түмэнд зарлаж эхлүүлсэн хандив овоо хэдэн төгрөг болсон тухай эхнэр Д.Болорзаяа нь баярлан ярьж байлаа.

Гэвч дансаар нь орж ирсэн хандивын мөнгийг нөхрийнхөө эмчилгээ хүүхдүүдийнхээ хоол унданд зориулахыг хүсээд “Амьдрал” фильмийнхэн тэр айлд гэр авч хандивлаж өчигдөр очиж барьж өгсөн юм. Тэгэхэд ирсэн хандив бүрийг дэвтэр дээр ярайтал бичичхсэн “Хүмүүс дандаа сайн сайхан үг хэлж байна. Зарим утсаа бичсэн хүмүүс руу ярина гэж бодож байгаа “ хэмээж байлаа. Хүнд өвчнөөр өвдсөн нөхөр нь гэртэй болсондоо баярлаж хүнээр өргүүлж байгаад шинэ гэрээ харсан хэмээн баяр хөөр болж байв…

Бид энэ бүхнийг бичиж аваад өнөөдөр та бүхэндээ хүргэх ёстой байлаа. Гэвч өнөө өглөө З.Сэргэлэнбаяр эцсийн амьсгалаа хураасан гэсэн гунигт мэдээ ирлээ. Ердөө хоёрхон өдрийн дотор энэ бүх явдал болж өнгөрлөө. Эхнэр, зургаан хүүхдээ орхиод 31 -хэн насандаа цусны хорт хавдраар өөд болсонд нь сэтгэл эмзэглэж сууна. Гэхдээ түүний эцсийн хүсэл бол “үлдэж буй хэдээ гэр оронтой болгох” байсан юм. Амжсаан амжсан, бид шинэ гэрийг нь барьж өгч чадсан. Хөөрхий өөрөө хараад их л баяртай байсан. Гэвч хүнд өвчний улмаас… гашуудалтай явдал боллоо.

Хандив өргөсөн эрхэм хүмүүст чин сэтгэлээсээ баярлалаа. Та бүхний халуун сэтгэлийн гэрэл гэгээ талийгаачийн эцсийн замыг гэрэлтүүлэх болтугай.

Ум мани бадми хум.“Амьдрал фильм” гэжээ.

Та бүхэн уг нэвтрүүлгийг “Амьдрал Филм” хуудаснаас үзэх боломжтой юм. Бас түүний гэр бүлд туслах боломжтой билээ.

Ум сайн амгалан болтугай!

Эх сурвалж: АМЬДРАЛ ФИЛЬМ

Click to comment

Leave a Reply

Your email address will not be published.

Монгол Мэдээ

1000, 1000 өвөө эмээ нартаа зориулан энэ зулыг ШЕЙР хийгээрэй!

Published

on

By

Өнөөдөр хайрт өвөө, эмээдээ зориулж зул өргөлөө. Та бүхэн ч гэсэн хайртай эмээ, өвөөдөө зориулан зул өргөөд дараах тарнийг уншаарай.

Зул өргөхдөө үнэн сүсэг бишрэлээр бодь сэтгэлийг үүсгэн лам гурван эрдэнэд залбирч мунхагийн харанхуйг арилгах оюун ухаан билгүүний гэгээ улам бүр гийж, хамаг амьтан мунхагийн харанхуйгаас гэтлэх болтугай, бурхад бүгдийн мэлмий баясаж гэгээн буян арвижиж, гэм нүгэл нимгэрэх болтугай хэмээн чин сүжгийг ургуулан бодож өргөх учиртай.

Зул бүтээхдээ цэвэр ариуныг эрхэмлэн гараа сайтар угааж зулын голыг алт, мөнгө, зэс, гууль зэрэг эрдэнийн зүйлсээр хийсэн цөгцний хэмжээнд чанга, сул, өндөр, намыг нь тааруулан цэвэр хөвөнгөөр нар зөв ороож хийдэг. Зулын гол ороох үедээ язгуурын гурван бурхны зүрхэн тарни / Ум ма ни бад мэ хум, Ум а ра ва за на ди, Ум базар вани хум пад/, гурван очирын тарни /Ум аа хум / зэргийг урин уншиж буян бодож ороодог. Том цөгцөнд хийх зулын голыг дан хөвөнгөөр хийвэл тосонд нэвтрэхээрээ босдоггүй унадаг тул хятад тэвнэ, алт, мөнгө, төмөр, хуурай өвсний гадуур хөвөнгөөр ороож хийдэг.

Зулын гол ороож буй хөвөндөө хир буртаг байтугай амны уур, амьсгаа, шүлс зэргийг халдаахыг цээрлэдэг.

Зулын гол хэт бүдүүн сул бол хурдан жаргадгаас гадна хэт хурдан жаргахад тэр хүний нас богиносно гэдэг. Харин гол нь яг таарсан бөгөөд тэр хэмжээгээрээ зул удаж жаргах тусам нас нь уртасна гэдэг. Хэт хатуу чанга, нарийн бол дутуу жаргадаг, таарсан бол гэрэл нь тод тогтвортой удаан байдаг байна. Голоо цөгцөнд шигтгэхдээ нарийн үзүүртэй сэтгүүрээр дарах буюу өөрийг нь нар зөв эргүүлж шигтгэдэг. Үүний дараа амьтны гаралтай биш сүүний шим болсон шар тос болон ургамлын шим болсон ургамлын тос зэрэг хилэнцгүй, ариун сайхан шинэ тосыг зулын голыг дагуулан нар зөв тойруулж хийдэг.

Тосоо цөгцөнд хийж байхдаа амандаа “Ум аа хум” тарнийг урин уншдаг. Энэ нь тахилыг бохирдуулах ад зэтгэрийн хорлолоос зулыг хамгаалах буяны сэдлийг төрүүлдэг. Цөгцөнд тос цутгахдаа хэт бялхааваас санваар ёс цалгардах, хэт дундуур бол эд эдлэл хомсдох гэм гарах тул тосыг цөгцний амсраас амуу тарианы хэмжээний дундуур хийдэг байна. Амьтны гаралтай өөхөн тосоор зул өргөх нь зул тахил биш ахуйн зориулалттай дэн гэрэл болдог гэдгийг анхаарах хэрэгтэй. Ургамлын тос нь ургамлын үрийн хилэнцгүй тос тул зул өргөж болно. Ихэвчлэн шинэ шар тосоор зул өргөдөг.

Continue Reading

Монгол Мэдээ

Аадар борооны улмаас ард иргэдэд хохирол учраад байна

Published

on

By

Өмнөговь аймгийн Ханбогд суманд өнөөдөр буюу 8 сарын 5-нд ширүүн аадар бороо орж сумын айл өрх, ард иргэдэд их хэмжээний эд материалын хохирол учирлаа. Одоогоор хөдөө малчин айл өрхүүдээс бүрэн мэдээлэл хараахан ирээгүй байгаа юм байна.

Сумын Онцгой комисст очсон өдрийн мэдээллээр маш олон айлын гэр унасан, эвдэрсэн үерт явсан мөн байшин болон байшингийн дээвэр нь эвдэрчээ.

Ханбогд сумын Онцгой комиссын зүгээс Гэнэтийн гамшигт өртсөн хохиролоо барагдуулах багасгахад зайлшгүй дэмжлэг хэрэгтэй болсон иргэдийг бүртгэж байгаа юм байна.

Мөн үерт унасан эвдэрсэн гэрүүдээс эзгүй айл өрхүүд олон байгаа тул гамшигт өртсөн иргэдийн ажлын газар, албан байгууллагаас нь анхаарал хандуулж ажиллахыг хүсье гэсэн уриалгыг гаргажээ.

Continue Reading

Монгол Мэдээ

Ийм нэг сайхан охин байдаг юм. Харамсалтай нь осолд ороод мэдээгүй болсон

Published

on

By

Myanga Bazarjav:

“Ийм нэг сайхан охин байдаг юм Ганбаатарын Бадамцэцэг гэж.

Харамсалтай нь тээр жил осолд ороод бүсэлхийнээсээ доош мэдээгүй болж тэргэнцэрт орсон. Гэтэл 2,3 жилийн өмнө нэг хөл нь өрөвсөж… янз бүрийн эмчилгээ хийгээд байсан ч дийлдэлгүй тэр хөлийг нь тайрсан. Гэтэл одоо бас ясны үрэвсэл, цусны халдвар гэх мэт хүндрэл гарч үлдсэн ганц хөлийг нь тайрах дээр тулаад байгаа юм.

Бадамцэцэг маань тэвчээрийн туйл, сэтгэлийн асар их хаттай охин. Явах хөлгүй, босох боломжгүй ч хамгийн том түшиг тулгуур хайрт ээжтэйгээ нийлэн хуанли бас бус зүйл хийж борлуулна. Хөөрхий эх нь бас өөрөө заримдаа өвдөж ядрах нь бий…

Тэр болгоныг тодорхой тоочилгүйгээр зүгээр л яг одоо үлдсэн ганц хөлнөөсөө салах дээрээ тулаад байгааг нь л та нартаа учирлая. Эмчилгээнд нь ихээ мөнгө хэрэгтэй байна. Би хувиасаа мөнгөн тусламж хааяа үзүүлэх л юм. Өөр олон ч хүн сайхан сэтгэлийн гараа сунгаж, хандив өгч байна. Гэвч эмчилгээний зардалд хүрэхгүй л байгаа юм.

Үүн дээр та нарыгаа бас нэмэрлээч, энэ сайхан охиныг бүр мухар болгочихгүй хэдүүлээ чадлаараа эмчлүүлж нэг хөлтэй нь үлдээх юмсан гэж хандаж байнаа.

Хаан банк 5007778385
Г.Бадамцэцэг”

Continue Reading

Trending

error: Content is protected !!